www.mari-language.com - Press Release (25 July 2014)

Logowww.mari-language.com:

Пор-англи кыллюкам интыяське: slovarj.mari-language.com

25.07.2014, Джереми Брэдли, Йошкар-Ола, Россия

Вена университетлэн пор-англи кыллюкаменыз тодматскон ортчиз Йошкар-Олаын. 42 561 статьяосыныз, 82 742 подстатьяосыныз но предложениослэн примеръёсыныз, со сяна 10 749 фразаосын, та огез финн-угор кыл сярысь уж англи кылын тужгес бадӟымез луэ. Зэмзэ вераса, милемлы одӥг но та выллем ресурс Россиысь финн-угор луисьтэм «пичи» кылъёс сярысь тодмо ӧвӧл. Ми туж шумпотысалмы, пор кылэз дышетыкумы, сыӵе кыллюкам шедьысал ке.

Кыллюкам поттэмын Creative Commons лицензия улын. Соин ужасьёс, чӧлскет сётыса, кыллюкамез вӧлмытыны но азинтыны быгато.

Та ужлы коньдон висъяз Австриысь FWF Тодос фонд (грант P22786-G20), проект бордын уж кутскиз 2011-тӥ арын 1-тӥ толшоре но кыстӥськиз куинь ар. Тимоти Ризе но Джереми Брэдли, Вена университетысь финн-угор люкетысь 2 ужасьёс, кудъёсызлэн анай кылзы англи луэ, Мари кун университетысь пор тодосчиен Элина Гусеваен ӵош та ресурс бордын тыршизы.

Кыллюкамлэн валтӥсь ужпумез – туала литературной кылэз усьтон. Та уж нырысь ик англи тодосчиосын лэсьтэмын вал бере, со, пор кылын вераськисьёслэсь сярысь, золгес возьматэ англи кылын вераськисьёслэсь кулэяськемзэс. Озьы ке но ми возьмаськом уженымы тунсыкъяськись поръёсыз но оскиськом, ужмы пор кылэз дышетӥсь англи кылын вераськисьёс понна гинэ ӧвӧл, англиез дышетӥсь пор кылын вераськисьёс понна но пайдаё луоз шуыса.

Кыллюкамлэн куд-ог функциосыз нырысь ик кулэ луозы кылчиослы: шуом, статьяослэсь транскрипцизэс возьматон – коть фонетикая урал алфавитын (Uralic phonetic alphabet: UPA), коть фонетикая калыккуспо алфавитын (International phonetic alphabet: IPA).

Кыл ялан воштӥське бере, лексикографъёслэн ужзы ноку уз быры. Ресурсмы бордын туж рос-прос ке но тыршимы, туннэ нуналлы со туала но выль ке но, матысь аръёсы выль дефицитъёслэсь пегӟеммы уз луы. Соин соосты ӝог палэнтон понна кыллюкаммылэн программаяз беренвазён функция юнматӥм. Со пыр ӝог ивортыны луоз, мар ивортонъёс пӧлысь шонертэм йӧтэ.

Туннэ нуналлы кыллюкаммы литературая валтӥсь стандартэз гинэ ужаз кутэ. Матысь дыре ми пыртомы плагинэз, кудӥзлы луыса кыллюкамез горномарийской кылын но кутыны луоз. Со лэсьтэмын луоз 2017-тӥ арозь Коне финн фондлэн висъям коньдонэныз.

Кыллюкаммылэн презентациез радъяськиз Йошкар-Олаын, Пор гужем университет мыныку. Отчы вуылӥз Джереми Брэдли Венаысь студентъёсын ӵош.

Гужем университетэ пыриськисьёс кыллюкамез ужазы куто ни.


Последнее обновление: 13 ноября 2022 года